Scuvrir ils parcs

Ils parcs svizzer porschan experientschas fascinantas en cuntradas cultivadas e natiralas intactas. I na dependa betg sch’ins è en viadi cun ina classa da scola, cun la famiglia u be sulet; en ils parcs svizzers chattan tuttas e tuts purschidas attractivas. Ils parcs svizzers offran ina gronda paletta da mangiativas e bavrondas gustusas, d’objects qualitativs e d’artisanadi original. Ins po cumprar ils products en ils parcs, en il commerzi, sin martgads ed a fieras.

Purschidas en ils parcs

Fascinaziun e giudiment

En ils parcs pon ins viver la natira cun corp ed olma e vegnir a savair fitg bler, per exempel sin ina «senda d’ervinas» u sin in «trutg infurmativ» tras ina palì. Butias en vischnanca porschan products locals sco liongias, vins e chaschiel, ils restaurants envidan a giudair spezialitads regiunalas.

Ils products tipics – in giudiment per tuts

App la hop, en ils parcs!

L’applicaziun dals parcs svizzers per iphone ed android è in guid mobil per ils parcs. Ella dat ina survista da tut ils parcs en Svizra, preschenta ils parcs en furma concisa e dat buns cussegls per spassegiadas ed excursiuns, per attracziuns d’emprim rang, per alloschis e per l’alimentaziun.

App per iPhone

App per Android

Portal cun fotografias dals parcs svizzers e concurrenza da fotografias

Mintga fotografia dal portal cun fotografias da la rait dals parcs svizzers renda attent a la varietad ed a la bellezza unica da las cuntradas dals parcs svizzers. Tgi che metta sias fotografias sin www.paerkefotos.ch, contribuescha sia part persunala a la lavur da publicitad ed uschia al mantegniment da la natira en Svizra.